Por l’Advënt 2023 s’á le consëi ULVB punsé da laoré fora n calënder cun na storia por vigni de dai 1 ai 24 de dezëmber, cun 24 libri düc imbustá y pochená adöm te na lada de cartun, en cört na sorpresa da se gode vigni de. Vigni liber contëgn ince idees y indicaziuns por pastlené. Insciö pó chësc calënder gní metü ia y indô adoré plü agn.

Les 24 stories dl editur todësch Carlsen, che é gnüdes chirides fora danter deplü racoiüdes, é gnüdes traslatades tl ladin da Lucia Piccolruaz, Elena Frenademetz, Elisa Mangutsch, Marianna Kastlunger, Florian Tavella y René Pescoll dl‘ULVB. Ares cunta de pici angeli che s’arjigna al ejam, sorüces che fej gares sö por le lëgn y dlacins de tono di mins. Mo ince de mitans y mituns che ó spicolé San Micurá y che aspeta êrt che döta la familia sides puntuala por festejé adöm le Nadé.