Cun le liber dl’amizizia pó mitans y mituns abiné adöm i recorc plü desvalis.

La idea da cherié n liber por dessëgns y dediches di compagns de tlassa o de scolina á Martina Vallazza albü bele dan da 3 agn, canche söa möta é piada ia a scolina. Bindicé ciafâra n liber dl’amizizia, mo tres por todësch o talian. Insciö s’á chësta mama jona de trëi mituns tosc dé jö cun n‘ idea creativa: n liber dl’amizizia por ladin, che bütass sides por mitans che por mituns, abelí da dessëgns da orëi bun. Le conzet de Martina Vallazza á albü n gran suzes y do trëi agn tocâra da punsé a na riediziun, che l’artista á lauré fora danö, cun motifs y corusc di cuertli nös. Le liber é deventé ince n pü’ plü gros cun l’injunta de plü plates, por dé ciamó plü lerch ales operes de compagnes, compagns o ince familiars.

Chisc i corusc di cuertli da iniann: turchis, arance, bröm, vërt y viola.