Renate Kostner Pizzinini á na grandiscima pasciun por l’ert. Süa Galaria Renée tl hotel Cappella a Calfosch é conesciüda lunc y lerch. A 10 agn da süa scincunda ala ULVB de deplü chedri de Siegward Sprotte á la Uniun Ladins Val Badia tut l’ocajiun por descurí y cunté danü chësc artist.
Insciö gareta iniann la presentaziun de na publicaziun dl’ULVB nöia, curada dal storich dl ert Phil Mer, che cunta le lian de chësc artist cun nosta valada y contëgn ince na racoiüda inedita de tröc chedri. Chedri che sará ince en pert da odëi tl Museum Ladin a San Martin te na mostra dedicata tla tor dl ciastel. Na secunda mostra complementara sará ince da odëi tl salf dl‘Istitut Ladin Micurá de Rü.
a cura de Phil Mer
Fotografies: Gustav Willeit
148 plates
Ann de publicaziun 2024
Lingaz: ladin Val Badia, talian, tudësch
Prisc 30,00€