Christian Ferdigg, le poet filosof d’Al Plan de Mareo s‘á do deplü publicaziuns por talian indô dediché ala lirica tl lingaz ladin. Söa nöia racoiüda de poesies dal titul “Scincundes d’amur” é caraterisada da oservaziuns che baia de fede, amur y sozieté.
"I arati che le 21ejim secul – y chëstes n’é nia mat mies parores – é plü co ater le secul dla mistica y dla poesia. I arati che ara ais na forza vitala y na gran importanza dandadöt te chësc period che á porté pro a endebolí les gran istituziuns politiches y religioses, che é en dificolté. Mo chësta crisa é ince na ocajiun che la porsona á por se reconësce se instëssa indô danü, por ciafé indô söa umanité y por jí ite te na vita nöia, n monn nü. Inló é sigü la poesia n strumënt important. Y sce an pënsa ai grecs, ai latins, al talian, al todësch, cun sü gragn poec che purvâ da dé forma y tó sö te sü scric l’anima de n popul por le condü tl dagní, á vigni civilté bele dagnora motü sües fundamontes ince dilan ala poesia.“ Christian Ferdigg
Ann de publicaziun 2022
Autur: Christian Ferdigg
54 plates
Lingaz: ladin
Prisc: 10.00€